ပီကေကပ်သော ဆိုင်းဘုတ်များ
ကျနော် အရင် နှစ်တွေတုန်းက ခရီး သိပ်ထွက်ဖြစ်တယ်။ ခရီးထွက်တိုင်းလည်း ဒေသန္တရ ဗဟုသုတ ရချင်လို့ ဟိုလျှောက်ကြည့် ဒီလျှောက်ကြည့်နဲ့ စိတ်ဝင်တစား ပတ်ဝန်းကျင်ကို အမြဲ အကဲခတ်တတ်တယ်။ ဟိုး အရင်က ဘလော့ဂ်တွေ မပေါ်သေးတော့ ကျနော်ရဲ့ ဒိုင်ယာရီထဲမှာပဲ ခရီးသွား မှတ်တမ်းလေးတွေ ရေးမှတ်ထားခဲ့တယ်။ ခရီးစဉ် တလျှောက်လုံးမှာ ကုန်ခဲ့ရတဲ့ အသုံးစားရိတ်တွေ၊ ဖြစ်ခဲ့ရတဲ့ ကမောက်ကမတွေ၊ တက်ခဲ့ရတဲ့ ပြဿနာတွေ၊ ကြုံခဲ့ရတဲ့ အခက်အခဲတွေ၊ ရယ်ခဲ့ရတဲ့ ဟာသတွေ၊ မောခဲ့ရတဲ့ အဖြစ်အပျက်တွေ၊ ဆုံခဲ့ရတဲ့ လူတွေ၊ မြင်ခဲ့ရတဲ့ ကိုးယိုးကားယားတွေ၊ ဒါတွေ ဒါတွေကို အခု ပြန်ဖတ်ကြည့်တော့ အမောပြေ၊ အလွမ်းပြေ၊ အဆာပြေ၊ အညစ်ပြေ အနှစ်တွေ ဖြစ်နေတယ်။ ကျနော် ခရီးသွားရင်း (သို့) […]