← Back to blog

အထီးကျန်ခြင်းအကြောင်းများ

ပီကေ့မှတ်စု
  • လူလူချင်း ဆက်ဆံရေးမှာ ပွင့်လင်းမှု ရိုးသားမှု မရှိရင် အထီးကျန်ဖြစ်တယ်။
  • ဟန်လုပ်တာ များတဲ့သူဟာ အဖေါ်နည်းတဲ့သူ ဖြစ်မှာပဲ။
  • သူတပါးကို ပစ်ပယ်လေ့ရှိတဲ့သူဟာ အဖေါ်မဲ့ အထီးကျန်ဖြစ်မယ်။
  • လူတွေကို မယုံကြည်တဲ့သူ၊ လူတွေကို သည်းမခံနိုင်တဲ့သူ ခွင့်မလွှတ်နိုင်တဲ့သူဟာလည်း အဖေါ်မဲ့တတ်တယ်။
  • သူများအကြောင်း မကောင်းပြောတတ်တဲ့သူဟာလည်း အဖေါ်မဲ့တယ်။
  • အပြစ်တင်တတ်တဲ့သူမှာ မိတ်ဆွေရှားတယ်။
  • မနာလိုစိတ်ရှိတဲ့သူဟာ အဖေါ်မဲ့ အထီးကျန်ဖြစ်မယ်။
  • ကိုယ့်ကိုယ်ကို အထင်သေးတဲ့သူ၊ သိမ်ငယ်စိတ်ရှိတဲ့သူလည်း အဖေါ်မဲ့ အထီးကျန်ဖြစ်မယ်။
  • သူတစ်ပါးကို ရင်းရင်းနှီးနှီး ပွင့်ပွင့်လင်းလင်း မပြောဆိုတတ်ဘူး၊ မဆက်ဆံတတ်ဘူး၊ မယုံကြည်ဘူး၊ စိတ်မချဘူးဆိုရင် ကိုယ့်မှာ အဖေါ်မရှိတော့ဘူး။
  • မာနသိပ်ကြီးသွားရင် ကိုယ့်မှာ အဖေါ်မရှိတော့ဘူး။
  • လူမသိအောင် ဖုံးရတာတွေ များရင်လည်း အဖေါ်မဲ့ အထီးကျန်ဖြစ်တယ်။
  • ဒေါသကြီးတဲ့သူလည်း အဖေါ်မဲ့နေတတ်တယ်။
  • ဂုဏ်တုဂုဏ်ပြိုင်စိတ်ကြောင့်၊ မနာလိုစိတ်ကြောင့် အဖေါ်မဲ့သွားတယ်။
  • ငါက အောက်ကျနောက်ကျ ဖြစ်နေတယ်ဆိုတဲ့ ခံစားချက်ကြောင့် အဖေါ်မဲ့သလို ခံစားရသလို၊ ငါက အထက်တန်းစားပါဆိုတဲ့ စိတ်ဝင်နေရင်လည်း အဖေါ်မဲ့နေဦးမှာပါပဲ။
  • အဖေါ်ကောင်း မိတ်ဆွေကောင်း လိုချင်ရင် ကိုယ်ကိုယ်တိုင်ကပဲ အဖေါ်ကောင်း မိတ်ဆွေကောင်း ဖြစ်အောင်နေလိုက်ပါ။
  • ချစ်တတ် ကိုယ်ချင်းစာတတ်တဲ့သူဟာ အဖေါ်မဲ့ အထီးကျန် ခံစားမှု ဖြစ်တာနည်းတယ်။
  • အထီးကျန်မဖြစ်ချင်ရင် ဘာလုပ်ရမလဲဆိုတော့ ကိုယ့်ကိုယ်ကို ချစ်ပါ၊ ကိုယ့်အလုပ်ကိုကိုယ် စိတ်ဝင်စားပါ၊ လူတွေကို တန်းတူရည်တူ ဆက်ဆံပါ၊ လူတွေကို စိတ်ဝင်စားပါ၊ လူတွေကို မေတ္တာပေးပါ၊ နားလည်မှုပေးပါ၊ သူ့အလိုအလျောက်ပေးလာတဲ့ ချစ်ခင်မှုကို တန်ဖိုးထားပါ။

တစိမ့်စိမ့်တွေးမယ် – ဆရာတော်ဦးဇောတိက (မဟာမြိုင်တောရ) မှ ကောက်နှုတ်တင်ပြသည်။

Leave a comment

Your email address will not be published. Required fields are marked *